Kawlram chung i natural disaster ruangah Chinland le khua dangdang harnak an tonnak kong.

08/06/15 • -1 min

Tulio Chinram ram le Chinmi nih kan tonmi harnak kongkau he pehtlai in Chin Christian Council in Australia (CCCA) tawlrel nakin Australia Chinmi huap hruaitu upa dihlak meeting tuah a si i hi meeting ah "Australia Chin Relief Committee" serchuah a si. Cu committee nih a hmalak ding mi cu:1. Australia Cozah, NGOs pawl sinah "Lobby" fakpi in tuah/aupi ding. 2. Australia in bawmhnak a chuakmi poahpoah hi pikpak si loin hmunkhat ah felfai tein phakter khawh ding. 3. Australia um Chin Churches sinah bawmhnak tuahdingin aupi/tlangtlak ding. 4. Bawmhnak a chuakmi poahpoah cu Chinmi harnak a tongmi dihlak sinah phakter ding timi phun li in kan u-nau harnak a tongmi hna caah riantuan hram dawmh an ii tim.Chuncung khua cu Hakha in khan 15 hrawng a hlatnak ah a um mi a si. Atutan kokek vawlei harsatnak ruang ah Chuncung inn 15 hrawng a rawk i a cheu cu an ttheh cang, a cheu cu tthal chuah tik ah ttheh a timmi zong an um tiah kan theih. Leikuang hi Ekah 42 hrawng mincimh ruang ah a rawk mi a um i cun leihmun a rawkmi zong hi theih rih lomi hmun tampi an um rih lai tiah Pastor Mang Nawl Lin nih a chim.Hakha Khrihfa bu kip hruainak in Vomtu Maung celhtuar ah rawl ulh in minung 1,500 renglo Hakha khua himnak dingah thlacamnak ngeih a si. Pathian dawtnak thawngin ni 4 chung ruah a sur ti lo. Ni hin ni tiang theih tawk ah Hakha le Hakha pengah inn lo rawkmi inn hna cu725 reng lo a si. Hakha, Mi-ee peng Mangnu khuami vialte cu an khua chak mincimh ruangah Aive lam tlangbo ah an khua ningpi in minung 70 renglo harnak tong in buk an tom hna. Nihin ni tiang Hakha khua ah harnak tongmi hna cu camp 11 ah chiah an si i, chungkhar inn-dawng in 1,345 an si ii minung in 5,977 an si.

Previous Episode

ACCY riantuan thawknak, 3CR Community Radio kum40 tlinnak Birthday kong le Malaysia Chin Refugees kong

ACCY nih Melbourne khuasa kan miphun u-nau caah zaang hlei cawi in zarhteni fatin te ACC office thut in mipi nih an herh mi Bill peknak, Cakuat (Mail) relpiaknak, Zung Phone chawnh piaknak tbt... a herhmi poah man lo tein bawmhnak an ngei lai. Zarhteni paoh ah fuh panh khawh an si lai. Kan mipi nih ngeihchiatnak an ton caan ah ngeihchiatnak a tongmi chungkhar hna rian bawmh awk a herh mi paoh bawmhnak le ngeihchiat pinak zong ACCY nih anmah lungtho tein rian an i khinh. Pathian nih lam hruai chin ko hna seh!3CR Community Radio kum40 tlinnak cu kum voi kumdongh lei ah puai an tuah lai. Music le lamnak phunphun in le hlan lio i radio an rak thlah mi thatha pawl chuah thannak an ngei fawn lai.Malaysia ram ah kan miphun a taang rih mi pawl caah ruahchannak a tlawm tuk cang i thong tlami hna ca chinchin ah cun lung dong ngaingai a si ko. Ram thumnak lanh ding hi a fawi ti lo...

Next Episode

Chin ram harnak a tong mi caah bawmhnak le a tu lio Chin ram a thawng pang

Ausralia Melbourne um kan miphun nih Kawlram lei kan unau harnak a tong lio mi bawmhnak caah rian an tuan cuahmah i Chinland lei zong nih an thazaang le an ngeihchuah cio chuah in kan miphun le kan ram a thatthan nak ding caah an i zuam cuahmah lio asi.3CR Chin Radio FB page ah rak kan leng cio uh!